Saturday 1 November 2014

SANT FRANSISK XAVIER: Tea uprant taka Japanant pattoilo

By Fr. Nevel Gracias

          Japanachem missanv Fransiskak mhov mhotvachem zalem. Taka ek okondd zomo diun Japanant bhavart mozbut korunk pattoilo. Hea zomeant Spainachi Pri. Cosmas de Torres ani Bro. Juan Fernandez asle, eklo Chinacho Manuel ani ek Malabarcho Kristanv Amados. Anjiro hache don chakor Juanv ani Anton Fransiska borobor Japanant vochunk
bhair sorle.

          Goy sakun eka Chinache bottin 24ver Junache 1549 vorsak te Japanant vochunk bhair sorle. Kagoshima pavunk tankam sat sumanam laglim. Anjiro ani tache sangati Japanache asle tankam tanchea ghara hun-hunit yevkar mell’llo. Fransis ani tache bhageli tea lokacho mog polleun khup khuxal zale. Ani te thoim ek voros ravle. Fransis sadea utrannim tankam sorgimche vostumchi khobor sangtalo ani Paul (Anjiro) him bhavartachi sotam Japanese bhaxen tea lokak bhaxantor kortalo. Oxem korun toddea Japanese lokank tannim Kristi dhormant bhitor kaddle. Fransis Japanachea Rajkarbareaxim vochun Devachem Utor porgottunk manyatay gheunk sodtalo. Punn to oxem korcho adim don pautti chint’ta.
          Thoim Japanant zhuzam choltalim ani thoim khup choryo zataleo. Fransis hea soglleak fuddo korun, bhov toddem jevonn ani nhesop gheun to thoinsorlea Rajkarbhareak mellonk sodta. Ikra dis pasun te polasichea bhair urtat. Konnuch tanchi vollokh korun diunk sodina. Fransis aplea sangateank gheun porot yeunk sodta pun yenvcho adim yamaguchi hangasorlea ‘Duke’ haka apunn Bhagevont Bapacho ani purtugalachea razacho ‘Ambassador’ mhonn kolloita. Taka polleun to ‘Duke’ khuxal zata ani Fransiskak thoim ravunk asro dita. Thoim tache sermanv aikunk zaito lok ekttaim zatalo. Te taka proxnn vichartale ani Kristi bhavarta vixim to khuxarkayen tankam zobab ditalo. Ani to thoim astana sumar panch’xem Japanese convertir zale.
          Fransiskan Japan lokam vorvim Chinache zannvayechi khobor aikololi. Hi Chinachi zannvay japanachi otmik mogacher attaploli asli. Taka China desant vochunk to apli toyari korta tedna taka Romant sakun ek chitty eta. ‘Cape of Good Hope’ hachea sorvbhonvtim taka Jesuitancho ‘provincial’ nemtat.

Saturday 25 October 2014

SANT FRANSIS XAVIER: Taka Bharotant vochunk vichlo

By Fr.Nevel Gracias

Pondravea xekddeachea xevottak Spain ani Portugal he des apli razvott’ki fuddem vhorunk yevjitale. Vasco da Gama. Afrikachi vell par korun Bharotachea Calicut hangasor 22vi Mayache, 1498 vorsa pavlo.
          
He huxar ami kalljidar tarvotteamni apli razvottki choddounche khatir bhirankull missanv hatan ghetlolem. Haka lagun tankam khup missionaranchi goroz poddloli. Purtugalakuch he goroz title yadnik mellunk avgodd zatalem.
          
Juanv III, Purtugalacho Raza porjechea boreponnam khatir vavurtalo ani hea tannim apnnailolea rajyannim yadnikank dhaddunk yevjitalo. Tannim Inas de Loyola ani tachea sangateamchi khobor aikololi ani Italia ganvant te boro vavr kortat tachi mahiti taka asli. Tannem konnachea ‘Ambassador’ haka Bhagevont Bapak inasachea sov sangateank dhadd mhonn vinonti keli. Bhagevont Bapak hi tachi yevzonn manouli, pun novea Jesuitancho jiv sonkoxttant ghalunk taka khuxi nasli. Botin poin korunk khup avgodd aslem ani Jezuchi bori khobor onbhavarteank porgottunk tankam khup avgodd zatalem.
          
Razachi suchovnni Inasak pavli Inasan Razak adhar korunk yevjilem. Punn to dogma sangateankuch dhaddunk chint’talo. Simon Rodrigues ani B obadilla haka hea Bharotachea missanvank tannim vichle. Tankam adar korun camerino hangasorlo pau. Ek Diocesan Padri tanchea Borobor Bharotant vochunk toyar zalo. Veche vellar Bobadilla piddent poddlo ani masan Fransiskak vichun kaddlo. Fransiskan he suchovnnenk Devachi yevzonn pollelli ani Bharotant vochunk khuxemonan raji zalo.
          
Fransiskan apli toyari korun apleak dil’lea missanvank duddo korunk kalljidar zalo. Punn thoimsorle padre ani lok Fransis  mellchonam mhonn kolltanch khup dukhi zalo. Bhagevont Bapan 27vi Julayache 1540 vorsak ek kollovnni keli. Hea kollovnnen Fransis ani Rodrigues haka ‘apostolicae sedis muntil’ mhonnge Apostolic missionaries kele. He kollovnne  vorvim tankam xikounk, porgottunk ani patkam bhogsunk porvangi dili, he toren Fransis Devache yevzonne pormonnem amchea Bharotan pavlo ani Jezuk porgottpavcho vavr tannem aplo vavr suru kelo. Nai Devacho axirvad tanche aslo. Poile yevsonne pormonnem Fransis Bharotant yevcho naslo. Punn Devache yevzonn tache vixim Devachi yevzonn veglli asli. Fransiskan ‘inam’ mhonnunk yetalem. Punn to ‘hoi’ mhonnta. Ani Devache khuxek aito zaun Bharotant ail’lo mhonn, ani Jezuchea molleant khup boro vavr kel’lo mhonn, aiz sonvsar taka man dita.

Friday 24 October 2014

SANT FRANSISK XAVIER: Tachi Novsornni

By Fr.Nevel Gracias

Peter Favre, Inas ani Fransis - hanche modem ixttagotiche bandpas asle te mozbut zale. Tanchea zomeant anikuy vangddi tankam mell’le. Tanche modem zaiteo zomati ani bhasabas zalea uprant tannim aplem jivit Devak  bhettounk yevjilem. Tannim zaiteank Jezu sorxim oddun haddlim. Bhagevont Bapak bhetton, apleach jivitachem somorponn  kelem.
          
Tannim devxastr xikunk nirnnoy ghetlo. Hache vorvim te Devachem Utor porgottunk ani sonvskar diunk xoktale. Fransisak onbhavarteank Devachea Utrachi porgottnni korunk khuxi zali.
          
1535 vorsa Inas piddent poddlo. Voizamnim taka porot Spain-ak vochunk maglem. Tannench apli zobabdari Peter Favre haka dili. Dusre vatten Fransiskak ‘Canon of Pamplona’ mhonn nemnnuk zalea mhonn khobor mell’li. Atam mhonnosor, to Jezuchea mogan pettlolo. Taka man, podvi, vhoddponn, hachem poddunkuch naslem. He, Jezuchea onnbhovan vaddte tornatte Pap Saib Paul III, hanka bhettle. Tanchea gineanachem Pap Saibak ojap dislem. Tanchem khaltem jivit taka chodd manovlem.
          
Eke rati Fransiskak Sant Jeromachem ek visanv dislem. Jezucho xis koso vavurtana taka koxtt poddtole te mogan sonsche mhonn maglem. Yadnik koso Fransiskachim provochonnam taka aikotoleanchim kallzam movallaitalim. To aplo vell piddestanche sevent sartalo ani bhurgeank doton xikoitalo. Hea visanvam vorvim Fransiskachi sarki novsornni zali. Tannim ek dharmik sonvstha ghoddunk yevjilem. Magneantlean ani prachit korun tannim Deva lagim mozot magli. Tannim sogllea vangddeamchi khuxi svikarun te Sonvstheche nem toyar kele ani Pap Saib Paul III hankam dhaddle. Hannim tankam aplea utran manyatay dili.
          
Punn tea kallar, kitleoch dharmik sonvstha asleo. Anik ek nove sonsthechi titli goroz nasloli. Oxem mhonn Pap Saibak dukh dislem, punn tannim bhorvanso soddunk nam. Tanchi sonvstha ghoddun yevunk te magnneantlean Devacho adar magtoch asle. Devak vinovnni korun tannim tin hozar misam bhettoilim.

          
Punn Fransiskak Devachi yevzonn vegllich asli. Inasacho chitins koso, sogllea khalteponnan taka adar dilo ani tachem novsorlolem jivit zaiteank Jezu sorxim haddtalem.

Saturday 18 October 2014

SANT FRANSISK XAVIER: Tanchem Tornattponn

By Fr.Nevel Gracias

Fransis aplem ghor soddun aplem fuddle xikop korunk Parisak veta. Taka thoim pavunk sumanam lagtat. To Santa Barbara kolegint vosti korta ani Otubrache 1ler, 1525 sakun Parisache Vidyapitin aplem xikop korta.
          Zhoim to ravtalo, thoim don’xim odik vidyearthi asle. Dusrea tornatteam vangdda ekach kuddant tanche borobor Fransiskui ravtalo. Sokallim char vaztam, tannim uttunk zai aslem. Sokallim panch vaztam, latin bhaxen tanchem xikxonn suru zatalem. Tankam khellunk ani visov gheunk toddoch vell mellttalo.
          Fransis hem sogllem manun gheun, aplea vellacho boro faido kaddtta. Tacho sobhav mogall aslolean, to soglleamcho avddicho zata. Xikpan, khellan to khupuch porzollta. Tache lagim axil’le taka poixe pavonant, ani apleak poixe dhaddunk to boroita. Porot-porot poixe magta mhonn, tachea kuttumbak titlem borem disonam. Ani tim taka porot ghara apounk sodtat. Punn tachi madr bhoinn Magdalena, tannim xikop purem korunk aplea ghorcheank suchoita. Fransis eka disak Devacho vhodd chakor zatolo, oxem ti aplea dorxonnan onbhovta.
          Don ghoddneo tachea jivitan probhav haddttat. Tacho Latin Prosor, zo pozoddponan jiyetalo, to ek piddecho gulam zaun morta. Ani ek Fransacho vidyarthi, zo lhanuch astana onath zal’lo, to gollar umkollun aplo jiv dita.
          Latin porikxen ies melloilea uprant, Fransis totvginean (Philosophy) xikta. Taka tachea kuddant Peter Favre, zo padriponnachem xikop korunk ail’lo, tacho sangat mellta. 1529 vorsa to B.A xikop sompoita. Teach vorsak tachi avoy sompta. Fransiskachea kallzak khup dukh zata. Tea uprant to ‘Licentiate’ hi podvi melloun, sogllea vidyarteam modem to poilo yeta. Taka tornatteank xikounk sondhi mellta, ani tech taka pagar ditat. Punn te poixe taka pavonant. Punn Inas de Loyola tachea adarak pavta, tacho kudd nettoita ani sogllim tachim billam farir korta. Ho tannem dil’lea adara vorvim, Fransis taka oddon veta. Ho Inas de Loyola ek kalljidar soinik, zo 1521 vorsak Pamplonam zhuzant Navarre ani Fransachea soinikam add zhuzlolo, ani heach zhuzant to zokmi zaun tacho paim moddlolo, Ani to porot boro zaunk taka khup kall laglolo. Fransiskachea tornatti jivitacher tacho khup probhav zata.

Friday 17 October 2014

SANT FRANSISK XAVIER : Tancho Zolm ani Bhurgeponn

By Fr. Nevel Gracias

1506 vorsak, Navarre, Spainachea desant Dr. Juan ani Dona Maria hankam Povitr Satoleant ek put zolmolo. Tanchea bhurgeam modlo to panchvo aslo. Tanchea adim tankam don chedde ani don cheddvam aslim. Avoy-bapain tanchea panchvea bhurgeak ‘Francisco’ mhonn nanv dovorlem. Tea kallar Navarre rajeant chollvoll choltali. Hem raj dusmanachea hatantlem nivarunk proytn zale. Punn hea proytn nirfoll zaun, zaitem nisonton zalem. Punn ‘Xavier Castle’ hea Fransiskachea ghorak hat lavunk nam. Tedna Fransisk bhurgo aslo, ani hem taka khainch somzolem nam.

Xavier Castle Navarre Spain

          Bhurgeponnar thaun tachea avoy-bapain bhurgea Fransiskak khup mog dilo. To ek huxar ani hurbevont xikxit aslo. Bore dekhin ani xistin to vaddtalo. Vaddtam-vaddtam tanchea kuttumbachi porompora samballunk tanchea bhavamni taka foujent bhorti korunk yevjilem. Punn Fransiskak khuxi nasli. Taka aplea bapay porim hea sonvsarant fankivont zaunk zai aslo. Tanchea rajeant zhuz chaluch aslem. Tachea dogui bhavamni hea zhuzant vantto ghetlo. Hea zhuzant ek kalljidar ‘officer’ aslo. To hea zhuzant ek payan zokmi zal’lo. To Navarre rajea add zhuztalo. Punn konnech taka vaitt korunk nam. Tacho boro poramos korun, tachea desant taka dhaddlo. Konn ho kalljidar monis? Toch to Sant Inas de Loyola, zannem Jesuit sonvsta ghoddli. Hem zhuz cholta astana pasun, aplea ‘Xavier Castle’ hantun Fransiskan aplim xikop chalu dovorlem. Tachea avoyn tacho boro poramos kelo. Aplem sukh-dukh ti taka sangtali. Atam mhonnosor, Fransisk ottra vorsamcho zal’lo. Fuddlem xikop korche khatir, tache avoyn taka Pamplona vochunk suchovnni keli. Poilech pautt Fransisk fuddle xikop korunk aplea gharantlo bhair sorlo. Thoim Navarre ek porompora asloli. Poilo put ghora-bhattacho yerderi zatalo. Dusro put foujent bhitor sortalo. Ani tisro put aslear to ‘cleric’ zaun ‘church taxes’ ekttaitalo. Punn Fransiska sovem Devachi yevzonn vegllich asli. Taka Parisache Vidyapittint fuddle xikop korunk dhaddlo. Soglle sonvsarache tornatte thoim xikunk yetale. Aple avoyk ani bhavank ek dukhacho ‘adeus’ korun, Fransisk aplem ghor soddun, Parisak vochunk bhair sorlo. Taka kitem ravtalem, ti Devakuch khobor asli.



Thursday 7 August 2014

The World’s Second but God’s First Choice

By Melina Maria Afonso

“Impressed by the Jesuits, King John III of Portugal asked the order for missionaries to travel to Portuguese India, where the king believed that Christian values were eroding among the Portuguese. Though Loyola initially selected others for the task, Xavier stepped in when a fellow priest became ill.”

For Loyola probably Francis Xavier was just a newly ordained priest and it must have been difficult for him to delegate such a huge responsibility to a young priest. However God’s plans were definitely different. And Francis Xavier was God’s choice for this mission. The zeal and enthusiasm that Francis worked with probably surprised the people who even chose him. He shouldered this responsibility with most importance and spread the word of God far and wide. He braved sickness and pain, rebels and resentment with uttermost commitment for the duty he was chosen for. He was truly God’s first choice for this mission.

So many times in our lives too we experience situations like these. So many times we are second choices sometimes with other options still left and sometimes with no option left but to choose us. Do we make the most of these opportunities is what we need to reflect upon. And do we accept these opportunities as God’s plan in our lives. Dear friends, the World is so huge. So many opportunities in life that God sometimes gives us to choose from or sometimes forces upon us knowing what the best is. As humans we have our limitations of how we choose people for a particular task. But there are so many talented people out there in the World whose potential no one knows except God. And that’s probably the reason why we become second choices.

This year as the Archdiocese of Goa prepares for the Exposition of the Sacred Relics of St. Francis Xavier let these lead us to not only be a part of the veneration of the Sacred Relics of the Saint but let us reflect on the life of St. Francis. He was a person of strong and deep faith that let Him to overcome all hurdles and spread the good news. The theme for this year and for the Exposition ” Faith Creates Communion, Strengthens Family, Commissions to Renew the Society” calls us to look beyond the veneration of the Sacred Relics and to prepare ourselves with faith and imbibe the faith with which St. Francis Xavier lived and went places. Let us work towards this faith enriching our lives, families and communities.

Whether a first or second or third choice of the World working hard, with enthusiasm, zeal, commitment and trust in God is what we are called for. Let every small work we do be a manifestation of the opportunity given to us by God. And may our work be a proclamation of us being God’s First Choice like St. Francis Xavier. 

Find us on Facebook: https://www.facebook.com/sfxexposition2014
Find us on Twitter: https://twitter.com/Exposition2014